شنيّة حكاية wanasni.com؟

شنيّة حكاية wanasni.com؟

====================
الحكاية ساهلة ياسر و ربح صافي, تبّعني لحظة أكهو.
مثلا واحد عندو كرهبة ماشي علاها وحدو من صفاقس لتونس. بين إسنس و بيّاج تطلعلو لحكاية 40 دينار.
أمّا كان يمشي لـ wanasni.com و يعمل إعلان باش إهز معاه 3 من النّاس الواحد على 13 دينار يدخّل 39 دينار.
يعني تنجّم تقول خلّص المصروف الكل و ما دفع كان l'entretien متاع الكرهبة.

- أي, و النّاس إلاّ مشاو معاه؟

هاكم بعد لا كانو ماشين واقفين الثنيّة الكل في تران بـ 18 دينار, صبحو ماشين في كرهبة كليماتزي و كل واحد 5 دينارات بونيس في جيبو.
بخلاف إنّو السائق و المسافرين في عوض ما كل واحد إسافر وحدو ساكت الوقت الكل, تعرّفو على بعضهم و ونسو بعضهم و في الأخير كلنا وخيّان و من هنا جا wanasni.com.

- باهي, خلّي نتبعك, كيش كنتاكتاو بعضهم؟

ماو كي مسافر تعجبو أنّونس (إعلان بالعربي) يعمل ديموند متاع ريزارفاسيون بكليك واحد. السائق يوصلّو بالوقت SMS باش يقبل أو يرفض إدّموند.
كان قبل, هانا wanasni.com يعطيهم نوامر بعضهم في SMS باش إركحو أمورهم بيناتهم.
و كان رفض, wanasni.com يبعث SMS للمسافر باش يكون في بالو ديركت و هكّا حد ما يضيّع وقتو.

- إممم, فكرة باهية أمّا يا خويا مأحناش فالأوروب و صعيب تمشي الحكاية, رانا "عايشين" في تونس!!!!!!!

ماني قتلك تبّعني, صحيح نحن في تونس, أما حتّى في فرنسا ما مشاتش في ليلة و نهار, و لكن تو ولات تخدم غادي أكثر من التران, و أدخل لسيتاتهم و شوف قدّاش ناس ياعملو فاها لحكاية. و حتّى في تونس مش جديدة أمّا بقات محصورة في جروبات معينين و مش منظمة. و هذا هو الهدف من wanasni.com : تسهيل الحكاية على النّاس الكل

- باهي, و كي ندخل و ما نلقاش إعلان يعجبني؟

نورمال, إنزل "Me notifier gratuitement par SMS des nouvelles annonces" و نحن نلوجو عندنا على شكون إتنجم تمشي معاه و كالعادة إجيك SMS إقلك راو فمّة أنّونس جديدة تنجّم تعجبك. و لك حريّة الإختيار.

ان شاء الله الفكرة عجبتّك و تشارك فاها, و كان عندك علاها ريمارك أو إقتراح مرحبا بيك